Fá svæði í Laxá geyma jafn mikið af urriða og nær hann að jafnaði 4-5 punda stærð, fái hann að taka út vöxt sinn. Meðalstærð Hraunsurriðans hefur hins vegar farið minnkandi síðustu árin og ástæðan líklega sú að veiðimenn hafa verið gjarnir á að drepa stærstu fiskana.

Til að sporna við þessari þróun höfðum við til veiðimanna er vilja sleppa stærstu urriðunum og láta sér nægja nokkra fiska af minni gerðinni í soðið. Hraunssvæðið getur boðið upp á urriðaveiði í hæsta gæðaflokki ef gengið er um það af virðingu og hófsemi.

Markmiðið er að byggja upp svæði þar sem veiðimenn geta sett í stóra fiska í hverjum streng. Því er aðeins leyfð fluguveiði á Hrauni og sleppa skal öllum fiskum yfir 40 cm. Minni fiskurinn er mun betri matfiskur og mörkin eru sett við tvo slíka á stöng á dag.

Vinsamlegast kynnið ykkur veiðireglurnar vel áður en haldið er til veiða.

Ítarleg vefsíða fyrir Hraunssvæðið er í vinnslu og mun hún líta dagsins ljós á haustdögum. Fram að þeim tíma, er hægt að nálgast veiðileyfi og upplýsingar um veiðifyrirkomulag hér.

Hermann, hermann.bardarson@uit.no og Ingvar Karl, ingvark@nett.is

Stangaveiðifélag Akureyrar